*أحزاب المفاصصة
لماذا لم تحدث ثورة على حماس وعباس إلي الآن ؟!
أنا لا أعرف ، فمن لديه الجواب فليتفضل مشكوراً .. أنا كل ما أعرفه
أنا اسمي درويش وشهرتي مفاصص
وأبويا أسمو جابر وشهرتو لايص
وعيلتنا دار متعوس فرع من عرب المتاعيس
وسألت أبوي جابر اللي شهرتو لايص
وين يا بوي رايحين بعد الكباير من الضراير
فنقلي عينه وقال يا مفاصص يا ابن المفاصص
أبوك من قبلك لايص من تسعين سنة
حزب بيروح وحزب بيجي وما حدا فاهم ايش النتيجي
*أحزاب المماذغة
أحزاب المماذغة في تحرير فلسطين لا يطلقون صواريخ بل يطلقون بيانات فقط لكن أبو مازن ضربهم صاروخ صوت مفاده أن لا يشاركوا في مظاهرات الخبز في رام الله وإلا راح يوقف مخصصاتهم من الصندوق القومي ... يعني سيادتهم أحزاب ملاحق ... بس هيك حرام شو راح يشتغلوا والوظيفة في جواز السفر عندهم " مماذغ " بارع
*"بهية" يا وطن حزين
يا بهية خبريني يا بوي ع اللي قسم الحزين .. قسموه مجموعة جهلة يا بوي منهم هالكذابين .. ومجموعة تقول بحبو يا بوي .. وأبوها يقول ليش مش متحدين .. يا بهية وخبريني يا بوي عن حال اللاجئين مشتاق والشوق لبلدي يا عين وإن قلت أقول لمين؟؟
*رأسمالية المذابح
غطرسة القوة العسكري والمالية، للنظام الرأسمالي الذي حول الدنيا إلي مذابح وقتل وتدمير لم يسبق لها مثيل ..
*الثوار الخونة
ضعف وتخاذل وخيانة الثوار لمبادئهم التي انطلقوا من أجلها وغياب الحالة الثورية الحقيقة لدي المجموعات الإسلاموية، التي لا تقيم وزنا لحركة التاريخ وتعمل في نشاطاتها كرافد وممرر ومبرر لاستخدام التوحش الإمبريالي مثلها مثل المنبطحين والمتساوقين مع أدوات النظام الرأسمالي من اليساريين والاجتماعيين والوطنيين الذين سال لعابهم كثيرا أمام المشاريع والمؤسسات الربحية المسماة مؤسسات أهلية أطاحت بمبادئهم وفكرهم الذي تصوروه أنه أصبح لا يغني ولا يطعم ليس من جوع، بل أيضا لا يجلب لهم الرفاهية وكنوز المال وقصور السلاطين وسيارات الأمراء وملابس الأثرياء وحراس شخصيين على طريقة الكابوي الأميركي
*شروخ شرجية
يزور عيادة الجراحة من 5 – 10 مرضى يشكون من شرخ بالشرج(جرح شرجي) أي بمعدل 75 حالة خلل شرجي في اليوم في كل مستشفيات القطاع .. ما يعني أن شعب لا يعرف كيف يقضي حاجته كيف سيحرر فلسطين أو يثور على حكامه؟؟ لما تكون القاعدة خربانة المخ بيخرب واللي جرب بيعرف منيح، شخوا منيح وبالهداوة وبلاش تياسة دخبل الله علشان نحرر فلسطين ...
*الفيسبوك
لا تخلو الدراسة تلهيكو عن الفيسبوك " وصية طالب شاطر لإخوانه !!!! "
*ترخيص
ترخيص ::: الزواج عايز ترخيص
ترخيص ::: السيارة عايزة ترخيص
ترخيص ::: البناء عايز ترخيص
ترخيص ::: الحزب عايز ترخيص
ترخيص ::: الحكم بالقوة مش عايز ترخيص " أين الانتخابات"...

*خطبة الجمعة
زمان قبل الانقلاب كانت نهاية دعاء خطبة الجمعة "أللهم لا تول علينا من لا يخافك ولا يرحمنا"هالأيام بطلنا نسمعها ... إن شاء الله حد من الخطباء يقرأ قهريات ليكون ناسيها بالغلط ....
*الخريجين
آلاف الخريجين الجامعيين في غزة بدون عمل ولا زواج وقرب عمرهم عالثلاثين سنة، هل نتركهم ليخلفوا في الشارع وبعدين نحاكمهم ... أيها الشباب حاكموا من فعل بكم ذلك قبل أن يحاكموكم بذنبهم ...
*مناطق داكنة ونتوءات صوفية ( فتحمساوية )
لا ملك يبلغ ما بلغ المقدوني اخضع الكون من أدناه إلي أقصاه
واليوم أين ذاك المقدوني يا اسكندر وأين ما بناه مجداً يا وهماه
لا تشغل النفس بحب راحلة خلت كلٌ بهذه الدنيا وما يهواه
لا توهم النفس بجاه زائف فالجاه مثل المال أتعب صحبه أغواه
والقبر مفتوح علي مصراعيه لي ولك وعمرٌ لا محال واصل لمنتهاه
كل يُقَلِبُ كيف ذا وماذا فاعل بدناه وكيف يُطَيبُ الأنفاس من ذكراه
الكل كل الكل ذات يوم ذاهب إلى مثواه ويحلم طيب إقامة بثراه
*اشهد يا عالم
اشهد يا عالم علينا وعَ بيروت اشهد بالحرب الشعبية
واللي ما شاف م الغربال يا بيروت أعمى بعيون أمريكية
بالطيارات أول غارة يا بيروت غارة برّية وبحرية
جبل الشمال وبالبحر يا بيروت صور الحرَّة والرشيدية
قلعة شقيف اللى بتشهد يا بيروت عليهْ داسوا راس الحيّة
والشجر قاتل والحجر يا بيروت والواحد جابه دورية
جمل المحامل شعبنا في بيروت بعين الحلوة والنبطية
واحنا ردّينا الالية يا بيروت بحجارة صيدا والجيّة
تراب الدامور اللى بيشهد يا بيروت عالخسارة الصهيونية
بقلبي خلدنا الوحدة يا بيروت لبنانية فلسطينية
سدوا المنافذ علينا في بيروت منعوا المعونة الطبّية
سور الأشبال مع زهرات يا بيروت منه ما مرّت آلية
والطيارات غطوا السما يا بيروت والبحر جبهة حربية
كانوا غربان المنية يا بيروت واحنا تحدينا المنيّة
واشهد يا عالم علينا وعَ بيروت عَ صبرا والميّة وميّة
شاتيلا وبرج البراجنة يا بيروت بالمتحف شافوا المنيّة
ثمانين يوم ما سمعناش يا بيروت غير الهمة الاذاعية
بالصوت كانوا معانا يا بيروت والصورة ذابت بالميّة
لما طلعنا ودَّعناك يا بيروت وسلاحنا شارة حريّة
لا راية بيضا رفعنا يا بيروت ولا طلعنا بهامة محنية
والدرب صعبة وطويلة يا بيروت عليها أكدنا النيّة
واللي ما شاف م الغربال يا بيروت اعمى بعيون امريكية
12/10/2012م

جميع المقالات تعبر عن وجهة نظر أصحابها وليس عن وجهة نظر وكالة قدس نت