من يستطيع توحيد القطرين غزة والضفة يتفضل ... غير هيك الذين يحكمون عليهم أن يقدموا للناس حاجاتهم وخدماتهم وسفرياتهم ووظائف للعاطلين عن العمل والخريجين زي قبل الإنقسام ... بلاش مسخرة ...
حكام الضفة بيقولوا إنو اكثر من نص ميزانيتهم بتروح لغزة وبدهم الوحدة واحنا شعب واحد وهما بيحافظوا على الوطن موحد خوفا من انفراد غزة بحكم مستقل وتخرب القضية وبيستنوا الناس تثور على حماس علشان يرجعوا حكام للوطن كله لإنهم ما عندهم امكانية لاسترجاع السلطة بالقوة زي ما راحت منهم ..
حكام غزة بيقولوا انهم حريصين على الوحدة وانهم زبطوا الامن والامان في غزة وقاتلوا اسرائيل ثلاث حروب وانتصروا وبيقولوا الناس بتمارس حياتها الصعبة نتيجة للحصار من اسرائيل ورام الله والعرب .. مش هما يعني حماس السبب يعني معذورين والا كان عيشونا في غزة في نعيم مقيم .. وما حدا بيقدر يشيلهم بالقوة لإنهم أقوى من أي حد عايز يشيلهم...
وأقلكوا من الآخر هدول كذابين وهادول كذابين مش مشكلة مين أكذب من الثاني
...... """ المشكلة يا جماعة مشكلة قوة مسلحة على الأرض """
...... """ المشكلة ياجماعة يحكمها قانون القوة """
...... """ المشكلة يا حماعة حماس جاهزة تقاتل علشان الحكم والضفة جاهزة تستلم الحكم بس بدهم الناس تقاتل وهما ييجوا حكام """
.... علشان هيك فش مصالحة
.... كل واحد يدور على حقوقه وأولاده عند حكامه بلا ما تضيعوا وقت ثمين من حياتكو مع أمل حماس في حكم الضفة وأمل رام الله في الرجوع لحكم غزة ..... والاثنين بيضحكوا عليكم ..
