أبو العبد مواطن فلسطيني أصيل يرفض الذل والمهانة
حزن حزنا شديدا وهو يسمع رئيس فلسطين يشتكي من نتنياهو الذي رفض مقابلته...
عاد إلى بيته كعادته في المساء ..
حضرت أم العبد العشاء بما لذ وطاب خاصة أنه يبقى طول النهار في عمله ودون طعام
أم العبد..يالله تعال الأكل جاهز اليوم طابخة لك العكوب الي بتحبه خير السنة الجديد و نظفته بيدي
أبو العبد ..تسلم إيديكي والله ما لي نفس كلي إنت واتهني.
ام العبد ...عزقني ليش ما لك نفس .. !!
شوى يعني أوكل لوحدي والله ما ني ميكله.
وبعدين ...ممكن تقو لي شو اللي سادد نفسك..؟
أبو العبد...ما سمعتي الرئيس شو قال...تصوري طلب مقابلة نتنياهو ثلاث مرات ونتنياهو الخنزير رفض
أم العبد..رفض معانتو زعلان منه.. أبصر الرئيس شو عامل ..؟
أبو العبد...ولك شو بدو يعمل ..؟
أم العبد... إنت غشيم الرئيس مش قليل بلاعبه الزقطه
أبو العبد ..زقطة إيش وهو محبوس وما بقدر يروح ولا ييجي إلا تا يسمح له نتنياهو..وفوق هيك هاي إهانة لرئيسنا يا بنت الحلال..إهانه للشعب
أم العبد..طيب يا زلمة وانت شو مزعلك الله لا يردهم بكرة بتصالحو وانت بتطلع بسواد الوجه..
أبوالعبد ..كيف شو دخلني..!
ولك إنت ما بتعرفي أني ضمير الشعب وما برضى لهيك إهانات ..وهذا النتن أنا عارف ليش زعلان من الرئيس..!
أم العبد ...ما دامك عارف ريح حالك وقوم خلينا نتعشى
أبو العبد.. علي الضمان ما بوكل إلا تا أشوف هالعرص النتن هذا..
أم العبد..تشوف إنت نتنياهو...يا عيني ومين أنت تا يشوفك.!
أبو العبد..بقول لك أنا الشعب الفلسطيني يا جاهلة
أبو العبد يجري مقابلة تلفزيونية ويعلن أنه وبأسم الشعب الفلسطيني مستعد أن يقابل نتياهو واعطائه كل ما يتمناه
تنشغل وسائل الإعلام الصهيونية ويجتمع الكنيست ويطالب من نتنياهوا بالموافقة على اللقاء
يتصل نتنياهو بأبو العبد عبر الهاتف ظ...
نتياهو..مرحبا أبو العبد..شو ممكن تقدم لي..؟
أبو العبد... عندي مشروع سلام كامل وكل ما تتمناه...
نتنياهو..إسمع أعطي رئيسكم المشروع وأنا مستعد أقابله..
أبو العبد...الرئيس...لا رئيسنا ما بيقدر دبلوماسيته وأدبه يمنعه
نتنياهو..ليش فيها قله أدب ..؟
أبو العبد..يعني فيها تنازلات وأمور محرجه له أمام العالم
نتنياهو..شوف أنا ما بدي إلا إعتراف بيهودية الدولة بتقدر..!
أبو العبد ... شو يهودية الدولة ..ولك أكثر أكثر
نتنياهو..أكثر ..معقول والشعب الفلسطيني راح يوافق.!؟
أبو العبد...ولك يا نتن شو يوافق راح تسمع الزغاريد من كل فلسطين والشتات..
نتنياهو...كويس أنا موافق وتعال اليوم قبل بكره
أبو العبد..بس على شرط التلفزيونات تكون موجوده والبث مباشر حتى يشهد العالم على التوقيع
نتنياهو..وفي كمان توقيع ...ممتااااز
أبو العبد...شو توقيع...توقيع عريض وعليها وجهك
ذهب أبو العبد الى القدس وكان اللقاء في الكنيست
صفق أعضاء الكنيست لأبو العبد ولا كأنه السادات
وأجلسوه في صدر القاعة والمصورون يلتقطون الصور
والمذيع يتحدث عن اليوم التاريخي لاعلان انتهاء الصراع بين الفلسطينيين والإسرائيلين.. وهذا ممثل الشعب الفلسطيني جاء لتقديم الهدية الكبرى الذي ينتظرها نتنياهو وإسرائل
دخل نتنياهو ووقف مقابل أبو العبد ورحب به
أهلا أبو العبد...
نظر أبو العبد إلى النتن من فوق لتحت وقدم له ورقه
نتنياهو ..فتح الورقة
نظر إلى أبو العبد وقال هذه مكتوبة بالعربي ما فهمتها
أبو العبد.. بعدين بترجمها وبتقرأها بس أنت وقع وقع..
نتنياهو...وهاي توقيعي
أبو العبد ..ممتاز والان المهم شو اللي جاي أنا أقدمه لك..!
نتنياهو... تفضل أبو العبد وانا جاهز.وأنام تصفيق أعضاء الكنيست تقدم أبو العبد نحو نتنياهو وأهداه هدية الشعب الفلسطيني
أبو العبد..بإسم الشعب الفلسطيني...أقدم لك هديتنا
اتفوووووووووووو..يا خنزير....
إحنا وياك والزمن طويييييييييييل
..منذر_ارشيد_رأي
