الخمخمة العربية تعقد
فوفو ولا كوكو ولا جوجو
ما خليتوا فيها دودو
شو فاضل من الحدود
ولا بدكم إياهالولو وسوسو
ترقص وتفرح للي بتقولو
بقرأ وبضحك ومش مصدق
مبادرة ولا حلم بعقولكو
صهيوني بحكي وعربي بستمع
ياعيب علي ما برد عليكوا
معلش مشغولين بنقسم الإرث
ما احنا صرنا دول متعددة
مش مصدقين شوفوا الرايات
كم حزب وكم حركة بتقاتل
وظيفة يا بشر راتب يا عمر
كله مسخرة وما حدا فاهم
إعلام مشوش علي راعي غنم
برعي في صحاري وبقول نعم
معقول فاضل خير فيكم
طيب برهنوا واثبتوا العكس
كفي الخس مالي السوق
بقدونس علي جرجير علي فجل
هي رؤوس القادة وبعتذر
ما بستحقوا هالإسم صراحة
بسميهم دوماً قوادة العهر
حقيقة وجميعنا نعلمها
نهاب من النطق بزيادة
كمان إعدام ولا تزعلوا
ما هو صار موضة للعرب
بتيلفون وإشارة بنخلص
زمن الكفتة والمشاوي
للمسؤول الي بخبص
حاكم وسلطان وكرباج
بتسلي علينا وبمزمز
جالس في حديقة حيوان
والقمة علي الأبواب
شو منتظرين جديد
أتلوا عليكم أي بيان
اختاروا من التاريخ
كثيرة مكدسة بالأدراج
يمكن أكلتها كمان الفئران
مش عرب ولازم نكوم كرماء
يعني يرضيكم تموت جوعانا
انسيتوا حالكم شو بنكون
أمة الخيرات والبترول
يا عيني علي العقل
بده زغرودة من القلب
صدقوني مش قادر أمسك
قاعد بضحك علي بشوفه
راجعوا معنا شو قدموا
حتي ترامبولا فرحان معنا
اتصل فينا وهنانا علي فخرنا
قال خلاص بده يحلها واجا الوقت
ما هو شرب كاس وسمع العزف
وشاف كيف مقسمينا حالنا
قال لهم بسيطة وانا بورجيهم
مش اترجوه ليعقل الأمر ويحاول
مثل الي قبل ويا روحي علي سواده
ودعنا بمضية شيك وقال عيشوا
وقفوا البلدوزر لنقدم الطاعة
يخرب بيتك علي بيت أمريكا
أكثر من هيك تنازل ونزاعات
شو بدك نكون أكثر من كانتونات
وكله بجري وراء الدولار والشماغ
وصارت ايران عدونا الأول ولا يوجد
غير الطائفية والأزمات هنا وهناك
انتظرونا يوم الفرج والسياحة الوان
بكيني مستورد وراح يخطب من ورا الستار
قلناها من قبل وما حدا سمعها ولا كررها
خلونا نكررها من جديد ونقول عار عار عار
يمكن يفهم الحمار وما يترك النا الدمار
احترت أناجي أي حمار فيهم وبعتذر اله
مظلوم دوماً معنا وما عندنا غير التهمة
هذا الي بفكروا فيه وخلوني أحكي هندي
كمان نعتذر للهند ما هي وصلت القمر قبلنا
طيب وين نروح والصومال اتصدرت السعادة عنا
مسكينة يا فلسطين طول عمرك حزينة
ما تزعلي بكفينا اخوانا متصدرين
مش احنا اخوة بردوا ولا أنا ناسي
يلا كله ماشي وخلينا نهاتي مع بعضينا
كلنا أسرة واحدة وبنغني للعروبة والحجالة
كله يحضر عصا وبدها القمة رقصة جبارة منا
يا خوفي ما يمرقوا العصا ههه ما هو نظام عربي
ملحوقة يا دنيا يا دوامة وكلها طعرسة وحفاوة
سامحوني علي هذياني لسا بحلم وببكي من تاني
مش قادر أصدق ولا أستوعب واقع كله أغاني دربكة
من القلة صار عقلنا يتخبط ويطلب الطبلة والرنة
طولت عليكم ويمكن شوقتكم للنهاية من كل حفلة
بايخة وما فيها متعة ولا حتي مشاهدة هالقمة
قوموا فزوا ربنا لا يرجعكم ولا يخلينا نشوفكم
أقرفتونا وأنهيتم حالنا وقضايانا المركزية
عاملين مثل القطط وبتنظروا لبعض باستغماية
شايفينكم يا هبل واحنا الي ناصبين الكم مرايا
راح يجي يوم وتعرفوا مين هو الفلسطيني الحر
ما بدنا منكم ورقة ولا جرة قلم مرسومة بالأزرق
دمنا أحمر ووردنا أبيض وأرضنا خضرا وأسودغضبنا
حذاري منا يوم ما تفكرون تصفية قضيتنا كما تحلمون
لا تقلي فيدرالية ولا كونفدرالية ولا جزيرة ولا دولتين
ما بنعرف غير واحدة وشمسها موحدة وتنتظر عودتنا
بدكم تقولوا مجانين اتركونا لوحدنا مع المحتلين
صادقين وراح نقلع شوكنا بيدنا وما بدنا منكم مواثيق
كفانا الي شفناه من التاريخ ليوم الخمة الجديدة فيكم

===
__كرم الشبطي _________k..sh
k..sh___________ كرم الشبطي
===