أجدع سلام لكل القادة العقلاء في فلسطين وخارج الديار بدأ من الرئيس ومرورا بوزير الخارجية واللجنة التنفيذية وقيادة حماس وقيادة الجهاد وكل الجبهات والأحزاب والحركات والتيارات المقاومة والمسالمة والجامعة العربية وقادة الأمتين العربية والإسلامية والمحللين والمنظرين والأرزقية اللي طالعين نازلين قابضين والخطباء والتشريعي والوطني والمركزي والتنفيذية والإن جي أوز والشبيبة والمرأة والاتحادات والنقابات والفنانين والفتاحين والدراويش والناس الجدعان اللي شرفونا واللي وقفوا معنا وقفة العز الكبير في زمن السحت وزمن ضياع القدس بالساهل وبدون تعكير صفو المنطقة بدون استخدام العنف واستخدام النضال والجهاد الحضاري في الزمن الضاري ويكسلام مربع للي بيحطوا الخطط للتصدي في المستقبل لإسترجاع القدس بطريقة حضارية تنم عن الديمقراطة والإنسانية ومفيش سلام وتحية للي بدهم حرب وصواريخ لتكون علينا المؤامرة كونية .. وسلام كبير قوي للعقلاء وكلكم عقلاء شو هالعقالة اللي نازلة عليكو وإيييييييه تخلصنا من مصيبة القدس والمواقع هي هي والكراسي هي هي وإييييييه خليكوا كده على طول عاقلين وخلصونا من حق العودة كمان بهاي الطريقة طريقة الناس الفهمانين واالي مش متهورين وإييييييه لما كلنا صرنا نفهم سياسة العقلاء ضاعت البلد وإيييييييييييييه بس خلاص.
د. طلال الشريف
