يا ستي الختيارة وينك..
خليني احكيلك اللي صار..
شوفي ورانا احكي يا ستي..
الوزير ياستي..
مال الوزير يا حبيبي..
بعيد الميلاد..
كان قاعد ومعاه ضيوف حلوين..
بياكلوا كعك وبيشربوا بيرة من الجليل..
وعم..
يحكي للضيوف عن الثقافة ..
في زمن الاحتلال..
قال شو بالثقافة منقاوم الاحتلال..
شي بيضحك يا ستي..
بفكر حاله ..
مثل الشهيد باسل الاعرج الله يرحمه..
اللي استشهد وهو حامل كتاب وبندقية..
بس فشر ولا يسوى ..
فرق كبير بين باسل والوزير..
والله يا ستي مثل ما بقولك..
هذا اللي صار..
يا ستي يا حبيبي..
وانت ليش زعلان ..
لتكون بتغار منه ونفسك تصير وزير..
له الله يسامحك يا ستي..
معقول بدك اجيب لابوي المسبة بعد هالعمر ..
اسمع يا ستي حبيبي..
انا في سؤال محيرني..
هو الوزير كان قاعد..
مع حلوين ولا مع حلوات..
يا ستي مش مشكلة ..
كيف شو بتحكي؟
طبعا مشكلة ..
اذا كان مع حلوات..
فهذا الوزير مثل ما بيقولوا تبع لف ودوران..
واذا كان مع حلوين..
فهذا الوزير مثل ما بيقولوا تبع فساد واختلاس..
يا ستي الله يسامحك مش مشكلة..
المهم انه طلع عنا وزير مقاوم..
بيقاوم..
في كعكة عيد الميلاد وبيرة الجليل..
والله يخليلنا الحلوين والحلوات..
حسن عجوة