كبرت البنوتة
الصغيرة الحلوة
ديانا الكتكوتة
صارت في يوم وليلة
العروسة الجميلة
دعاني خبرها لزيارة
مني أجمل تهنئة مباركة
والله كبرتينا يا عمو فجأة
كان بعده بكير عليكي المشقة
ما تصدقيني بحب أمزح واعاكس الصورة
عكست معك زمن وذكريات باجمل طفولة
طبيعي ننظر لأنفسنا في كل مرحلة
كيف بنكبر وبنتغير وكلنا في بوصلة
اسمها العمر والحياة
الك اجمل وردة مقدمة
خايف يغير غيرك ويطلبني أكتب قصيدة
بس فرحتي اليوم كبيرة
لازم نعمل أكشن وهليلة
يلا باركوا وافرحوا الليلة
شعبنا بده فرحة وحقيقة
تنسينا همومنا ونخرج برقصة
هيني حاجز معك قبل عريس الغفلة
ما تقريه الكلمات ليزعل وتصيبه صدمة
مش ناقصنا أحداث عجيبة
وبكفي كل من سكن غزة
كل يوم خبر فيها صعقة
خبرك كان الأجمل والدهشة
مبارك وعقبال كل العيلة
بالعامية والخصوصية والمثالية
بنخربش وبنكتب وبنعبر عن القضية
بكل ما نعيشه ونشوفه والتاريخ حرف الفلسفة الثورية
مثل دمعة وضحكة
في وقت واحد يجمع لمة
والوطن بنتظر فينا المصالحة
مهما بعدت عنا راح تعود الفرحة
وهيك اتعلمنا من تجارب عميقة
ما بعرف إن بتطنبق على العرب صراحة
ولا إحنا مش مصدقين الخبرية والدراسة
بقلم كرم الشبطي

جميع المقالات تعبر عن وجهة نظر أصحابها وليس عن وجهة نظر وكالة قدس نت