|
|
|
بتدخل البيت بتعقم ايديك وبتمسح دنيك واوعا تفرك عينيك!
بتعقم موبايلك، بتمسحي شنطتك، بتنظف نضارتك.. اوعا تعطس اوعا تنف اوعا تقرب ع حدا او تلمس حدا... او تتنفس هوا اي حدا!
٧ اصابات في بيت لحم مش سبعين
والناس من الاشاعات عملتها تسعين
وخبر ورا خبر وصلت الكورونا رام الله وقلقيلبة ويمكن جنين،
والمعلومة مش من السامعين ولا الشايفين
من ناس فاضيين عاملين حالهم سباقين!!!
هلع وفزع وصارت القصة ولع
نفسك تنصاب بالكورونا ! معقول لهون وصلنا بعيد عن السامعين!!
تخنتوها ولعتوها .. وصرنا نستنى الكورونا.. نفختوها!
بس الكورونا فيروس ما بعيش بالجو .. بعيش عالنميمة وتحت الطاولات وفي الغرف المغلفة.
الكورونا طابور خامس وسادس دخل بلادنا بدو يخربها وياكلها بمعية الصين،
الكورونا صناعة امريكية وناس استغلالية ورأسمالية
ليش فش أمراض بتقتل؟ الانفلونزا والذبحة الصدرية والجلطة الدماغية والدخنجية ما عم يموتوا؟
نسيتوا إنه الإنفلونزا بتعدي معظم القاعدين بمكان واحد، وبتقتل كمان!
فوق ال 50 ألف بموتوا سنوياً من الانفلونزا بالولايات الأمريكية، ومع هيك بدهم الكورونا تحولنا ضحية والي ماتوا منها لهلكيت بكل العالم 2%!!
انا جاهزة للكورونا، انت جاهز، انت جاهزة ومحمية، بشوية زنك وفيتامين وثوم ويانسون وليمون بنعيش عيشة صحية وهنية.
عيشوا اشتغلوا احتفلوا
وما تخافوا.. الاصابات رح تزيد، وهاي لا مفاولة ولا تهويل بس الفيروس بيعدي، بعيد الشر عنكم وعن أولادكم وعن المجانين منكم..
الفيروس بعيش عالاسطح كم يوم وبموت
الكورونا بتروح وبتيجي، بس انت بتعيش هلكيت وبكرة وبعدين والمستقبل الي جاي
وما تنسوا عنا غزة الأبية، والقدس عاصمتنا الأبدية، وبيت لحم.. مدينة النشمية
شوفوا تا اقلكم؛
امريكا واسرائيل هي الكورونا..
لا حصار ولا احتلال ولا نقل سفارة امريكية قدر عالفلسطينية
امريكا والاحتلال هم الكورونا..
لا قرارات دولية ولا مؤسسات اممية ولا حرب نووية رح تقود العالم... وتوقف مع الضحية
القوة الجاي هي حرب نفسية واقتصادية واشاعات فيسبوكية.. بتهز الأغلبية!
الكورونا فيروس بعيش عالاسطح كم يوم وبموت.
فيروس صنعوه الأشرار، بس ع هذا الكوكب في الله.. والحرارة فوق العشرة بتقتل أزعم وباء،
الشمس جاية، والأمل جاية
قوم، ارفع راسك، ارفع مناعتك البيولوجية والنفسية والسياسية... والفيسبوكية
افهمها صح وعيييش ..
بثينة حمدان
فيديو:
جميع المقالات تعبر عن وجهة نظر أصحابها وليس عن وجهة نظر وكالة قدس نت
