• بقلم كرم الشبطي

آه يا وعدي
يا وعدي يا وعدي
علي مكتوب ومتخبي
أنا كنت حابب أحكي
بس إخترت يكون صمتي
مش راح تفرق يا عمري
هو يعني في حد فهم قصدي
إن كنت بحب ولا بتفلسف من قهري
هيك حرف وبده رقص عربي وبلدي
سمعني خمسة ونص وبلاش تقف على كسري
محسوبك مخربش وجسده مكتوب عليه يا وطني
إني إخترتك علانية وبيت القصيد مبني على الأغنية
مزاج ثوري وبده صنية ولحمة وفتة وقهوة  من بدر وهنية
سادة يا باشا وتعظيم سلام للمدرسة مصر أم العروبة  الحقيقية
راح تقولي ليش هيك وشو معنى الترجمة وشو غيرك يا مفهومية
مش قلتلك يا حبيبي مش راح أحكي وليش بتنسى الحكي من فوق
ولا إحنا بنحب القشرة وبسرعة بتزول وملمسها بيظل معطر على طول
طريق واخد من عمرنا كثير وفي النهاية إله تفسير واحد ووحيد واسمعني  من جديد
ما في أصمت أكثر من هيك وأنا إتعودت على مصارحة الأرض والسماء من روح القضية
بتقولك يا عم ما تزعل ولا تفرح وعيش حياتك كيف  ما بدها بس ما تنسى التربية والبوصلة
ما إلنا غيرها إن كنا فقراء ولا أغنياء هي لوحدها بتصرخ وبتنادي وين الملايين الشعب العربي وين
مش هيك غنتها جوليا ومن يومها ما شفنا غير الطحين والسردين وآخرتها منعوها وقالوا عنها ضمن التخفيض
موازانات ولعبة من حسنات المشيخة والأمم المتحدة وشخلي على هيك حكام وبول على رؤوس الأنذال بوضعية
بستحقوا القعدة والجلسة ومش الطربيزة المستديرة إلي جلس عليها ثوار فيتنام وسلامي لروسيا والصين والمعادلات
طبخة سرية بتذكرني بأكلة شعبية بسموها مقلوبة وبضعوا فيها بطاطا على باذنجان على سلطة من خيار وبندورة حمرا
مجنونة يا حمرا وسعرك بستحق الفترة والزمن بعيد اللحمة والتعبوية من الإشتراكية للماركسية للعلمانية للإسلاموية وكمل يا حب
شعارات ونظريات وتفاهمات واليوم الحال متغير وما بده قلم وحروف وإتزان وحبيبت أدردش بسلام وهذيان وعجبي علي كان
من طرب المايوه والجسد للبس الخمار والحجاب والقناع عورة العقل وممنوع نفهم ونقرأ غير إلي موجود من غيب الأحزان
سعادة وهز وخبر يتصدر الترند ولأنه تافه كما الغير ومليون خبرية ونشرة وموجز وإذاعات ومحطات على بال مين بجد
الجزيرة العربية الحرة وعدد قنوات التعرية والبرامج الحوارية باتت فردية من شخص وكرش وعقل فش وحزام يشتد
وصل العنق وخنق القلب والروح وفلسطين بتصرخ من كثرة الجروح وينك يا خالد بن الوليد وين القصص والروايات
إسمعنا كثير عن الخلافات وغيرها وتمزيق الكتب وتحطيم الأقلام وقتل المعنويات بس ما حد سأل عن الزمن ليش إتوقف
معقول العيب في الغرب ومش في العرب واحنا دايما مظلومين وبنعاني الأمرين من حكم الأمراء والسلاطين والجلادين
في منه الحديث وما بنقدر ننفيه بس الحقيقة أكبر من هيك وبتحتاج لكتاب جديد يمكن نشرح فيه تفسير من تفسيرات الحياة
بعتذر عن الإطالة وبعرف أنه ما وصلت رسالة وشو بدي منها وشو قصدت ومين إستفاد من قرائتها بعد ما وصل للنهاية
إرجع للبداية واقرأ من جديد وفكر وتأمل المشهد من التاريخ لليوم راح تعرف وتكتشف أنه حياتنا كلها هموم وعودة
بنحلم فيها وكيف ما كبرنا على عشق قضيتنا وعروبتنا وكرامة وشهامة إخوتنا وأصدقائنا ودمنا واحد وروحنا واحدة
لهيك بتكثر دولنا العربية وبتعدد راياتنا الحزبية من كل لون وجاه وقبيلة وسمي كيف ما بتحب وحدد أنت مع مين بتصد
كله بشرع وبفتي وبقول وحتى بياع الفجل بحلل والسواق بشرح وبسترسل والغلبان واقف بشحت لقمة عيش وبطلب الرحمة
إحترت شو أحكيله وقلتله المصيبة إنك مش  لوحدك وانت بتمثل أمة وبدها قرن جديد لتعيد الكرامة والنخوة وتقول نحن أمة
مثل ربطة الجرجير وخد أربعة منهن واستمتع على السرير وسره باتع وبنور جسد المنطقة والكون والظلمة فينا من داخلنا
لهيك حبيت أفضفض وأطلع من داخلي شوية رغبة بعد شوربة عدس وسعره طال الأمد والحنين للرغيف من الأرض الطيبة
بقلم كرم الشبطي

جميع المقالات تعبر عن وجهة نظر أصحابها وليس عن وجهة نظر وكالة قدس نت