أبرز ترندات 2022 الاجبارية لنجاح تسويقك في فيسبوك وانستغرام | فاطمة عاصلة

انشاء الاعلانات صار أقرب منا من أي وقت.. إذا قبل كان التسويق التقليدي بتطلب منا التوجّه لذوي التخصص، بأيامنا كبسة تمويل اعلانك من خلال فيسبوك بتناديك ليل نهار.. واذا ما استخدمتها بشعروك كأنّك مش عارف شيء.. بالمقابل أكثر من ثلثين الدولارات اللي بتندفع بمجال التسويق، بتلاقي طريقه لوين؟ حزرتوا صح - لجوجل أو فيسبوك! بهذا العدد من صوت التك، راح نستضيف مختصة بالتسويق الرقمي، مع خبرة بالإعلان بتوصل من التيك توك لحد المتاجر الرقمية.. من خلالها راح نحاول نفهم المعادلة صح شو هي الترندات وطُرق التسويق بالديجيتال اللي ضروري ندخلها بال 2022؟ وين المنصات اللي لا بُد نتواجد فيها؟ كيف نطوّر من أنفسنا على الصعيد التقني أو بانتقاء الجمهور المناسب ليشوف إعلاناتنا بدون إزعاج؟ فلو كُنت مسوّق بمكتب اعلان أو كنت صاحبة مشروع تجاري، حضّروا مسودّة العمل للتسويق بالشبكة - وتابعونا للنهاية لنحكي كل هذه الأسرار من التسويق لعام 2022. حديث مشوّق يستضيف من خلاله أنس أبو دعابس، ضيفة العدد: فاطمة عاصلة، مؤسسة وكالة تسويق الديجيتال "هاشتاغ"، محاضرة ومختصة بالتسويق الرقمي.