76 | شوق حمدان | انقذ ظهرك: طرق مهمة لترتيب بيئة العمل لتحافظ على صحتك وتنعشك!

لكن الواقع بسوق العمل تغيّر كثير، وخاصة بمجتمعنا العربي النسب لوجودنا ساعات أكثر أمام الشاشات على ذات الكُرسي لساعات طويلة - نسب تتضاعف يوم بعد يوم.. والشركات في كثير من أحيان صارت تعتمد إمكانية العمل من البيت.. وجزء كبير منا سرعان ما يفضّل هذه الحالة وبنتقل الشغل للمطبخ، لغرفة النوم، أو حتى للتلفون واحنا مع الأولاد.. والبعض بقلل من مخاطر هذا النمط من الشغل على حياتنا اجتماعيًا، اقتصاديًا - وصحيًا كمان.. والنتيجة؟ سيئة ومؤلمة. في هذا العدد من صوت التك، راح نحكي عن الابعاد اللي بتتأثر فيها صحتنا الجسدية من كل هذه الأعباء لطُرق العمل الحديثة.. مش بس للي بشتغلوا بالهايتك وكيفية تنظيم ساعات شغلهم.. إنما حتى للمضاعفات على عامودنا الفقري من الكُرسي اللي وفرنا لما اشتريناه.. والشاشة الصغيرة للحاسوب النقال اللي دايما راسنا لتحت بوضعية المحقق كونان لحتى نشوف شو باعثين لنا ايميلات! مختصة مهنية، مع ملان قصص رهيبة وطُرق عملية - ممكن تنقذ كثير أيام راح نضطر نستخدم فيها التأمين الصحي.. وهات اقنع عيلتك انه نتيجة شغلك المكتبي صار عندك - إصابة عمل. استمعوا للحوار الذي يستضيف من خلاله المدوّن التقني أنس أبو دعابس، ضيفة الحلقة شوق حمدان - بكالوريوس أخصائية علاج فيزيائي/علاج طبيعي. سنوات عديدة في المجال، اشتغلت مع فئات عمرية وحالات طبية مختلفة ومتنوعة. مؤخرًا عملي بتركز بتطور الطفل وذوي الاحتياجات الخاصة. بالإضافة لعلاج إصابات الهيكل العظمي والجهاز العضلي عند البالغين. كما أنها مهتمّة جدًا بخرط الحركة في الحياة اليومية تبعتنا.